Ching's Blog

呢排睇左唔少戲，但多數都失望的，
好睇只有二分一機會，到底係我要求高定係電影質素差？
番工一樣好累，當係等價交換好過ｄ。
　

　
星期四又食飯睇戲，其實好後悔揀星期四，
因為搞到第二日番工好累……
　
本來阿蚊話想食大快活冬冬火鍋，但佢出奇地樣衰，
竟然唔知邊度有大快活……因為佢話想食，我理所當然無做任何功課，
兩條友傻間間係條街度搵……最尾搵唔到，上朗豪食算。
食左Euro gogo.. 半客薄餅、一客意粉、兩客小食，好飽。
個鮮忌廉朱古力好好飲= =
　
之後去ＵＡ睇戲。
UA d 位真係堅好坐= = 又夠斜，睇戲幾好。
　
今次睇《殺人犯》，真係好唔得... 我都唔明點解有人會話好睇?!
定係佢地當左係動畫咁睇？ 成套野好似侮辱緊我智慧咁= =
完全脫離現實... 所以你當佢動畫可能會好睇？
另外，大部份時間都係睇郭富城發癲.. 佢發神經都發得幾有問題，
佢係一開始已經好癲，佢的癲法完全無層次...
港產片，好失望呀!!
諗番《神探》真係差太遠~
　
近排睇戲都睇得幾多..
《天使與魔鬼》- 非常好
《翻生侏羅館2》- 失望
《星空奇遇記》- 劇情有問題, CG好
《Transformer》- 算OK
《3D 冰河世紀》- 無想像中咁出色咁好笑..
《殺人犯》- suck..
　
夾硬黎講睇到好戲既比例都係一半半, 1/2= =
　
番工，
真係令人覺得呢個世界好多人都好虛偽= =